About Radio NUG

Radio NUG Terms & Conditions of Use

• Radio NUG ၏ ထုတ်လုပ်သော အကြောင်းအရာ လက်ရာများအားလုံးသည် တဦးချင်းစီ၏ အကျိုးစီးပွား၊ စီးပွားရေးအကျိုးစီးပွားအတွက် ထုတ်လုပ်ခြင်း မဟုတ်ပါ။ နွေဦးတော်လှန်ရေးနဲ့ NUG အစိုးရအင်အားစုများ၏ အကျိုးငှာ ထုတ်လုပ် ဖြန့်ချိခြင်း ဖြစ်သည်။

• ဖန်တီးသူ၊ ထုတ်လုပ်သူများက ရေဒီယိုအတွက်သုံးရန် မျှဝေပေးကြသော သတင်း၊ သီချင်း၊ ဆောင်းပါး အနုပညာများအားလုံးကို လွတ်လပ်စွာ သုံးခွင့်ပေးစေလိုပါသည်။ အများသုံးပလက်ဖောင်းများတွင် ဖြန့်ချိထားသော အကြောင်းအရာများကိုလည်း Radio NUG က လွတ်လပ်စွာ ကောက်နုတ်သုံးစွဲသွားပါမည်။ မူရင်းကိုလည်း အမြဲတစေ ရည်ညွှန်းပေးထားမည် ဖြစ်ပါသည်။ 

• ရေဒီယိုတွင် ထုတ်လုပ်သော အကြောင်းအရာ၊ လက်ရာများ အားလုံးကို မိမိကိုယ်ကျိုး စီးပွားရေးအကျိုးကလွဲရင် အများပြည်သူများအတွက် လွတ်လပ်စွာ အသုံးပြုခွင့်ပေးပါသည်။ မိမိတို ရေဒိယိုအင်န်ယူဂျီကနေ ကူးယူသုံးစွဲသည်ဟု အမြဲတစေ ရည်ညွှန်းပေးစရာ မလိုပါ။ 

• အများသုံးပလက်ဖောင်းများတွင် အင်တာနက်ကုမ္မဏီများဖြစ်သည့် facebook & youtubeတို့၏ စီမံမှုများအောက်က ကြော်ငြာများ ထည့်သွင်းခြင်းကို မိမိတို့က လက်ခံထားပါသည်။ အဆိုပါ အကျိုးအမြတ်သည် အနည်းငယ်မျှသာ ဖြစ်ပြီး၊ ရခဲ့သည်ဆိုပါကလည်း ပုဂ္ဂိုလ်ရေးအတွက် အုပ်စုတစုစုအတွက် လစာ ဖြစ်စေ၊ လုပ်စာဖြစ်စေ သုံးစွဲခြင်း မရှိပါ။ နည်းပညာကုန်ကျစာရိတ်အတွင်းသာ ထည့်သွင်းသုံးစွဲပါသည်။ 

• NUG ဝန်ကြီးဌာနအသီးသီးက ထုတ်လုပ်သော ဖြန့်ချိသော အကြောင်းအရာများအားလုံးကို မိမိတို့က လွတ်လပ်စွာ ရယူသုံးစွဲလျက်ရှိပါသည်။ မိမိတို့နှင့် content partner များအဖြစ် မူလကတည်းက PVTV နဲ့ MoeMaKa Media တို့၏ လက်ရာများ၊ အနုပညာများ၊ တီထွင်ဖန်တီးမှုများကို လွတ်လပ်စွာ ကူးယူသုံးစွဲလျက်ရှိပါသည်။ ထို့အတူ မိမိတို့၏ CDM များ Volutneer  များ၏ လက်ရာများ ထုတ်လုပ်မှုများကိုလည်း မိမိတို့နှင့် နားလည်မှု ယူပြီး လွတ်လပ်စွာ သုံးစွဲလျက်ရှိပါသည်။ မိမိတို့နှင့် သဘောတူညီမှု ရှိထားပြီးဖြစ်သော Cho Chin ဘာသာစကားအဖွဲ့၊  မတူပီးတိုင်း သတင်းအဖွဲ့ နှင့် အခြား တိုင်းရင်းသားဘာသာအဖွဲ့များ၊ သတင်းအဖွဲ့များ၊ ဒေသခံကိုယ်ထူကိုယ်ထအဖွဲ့များ၊ တော်လှန်ရေးအဖွဲ့ အင်အားစုများ၏ အကြောင်းအရာ၊ တီထွင်ဖန်တီး ထုတ်လုပ်မှုများကို လွတ်လပ်စွာ သုံးစွဲလျက်ရှိပါသည်။ 

ကျေးဇူးတင်ပါသည်

Radio NUG အဖွဲ့သားများ